Құрметті отандастар!

Сіздерді 16 желтоқсан - Тәуелсіздік күнімен құттықтаймын! Тәуелсіздік күні - ата-бабамыздың сан ғасыр бойы аңсаған асқақ арманы орындалып, егемен еліміздің еркін дамуына айқара жол ашқан қастерлі күн.

1991 жылдың 16-желтоқсанда Қазақстанның Жоғарғы Кеңесі «Тәуелсіздік пен мемлекеттің егемендігі туралы» заңды қабылдады. Биыл тәуелсіздігімізге 32 жыл толып отыр. Осы уақыт ішінде Қазақстан қарқынды дамып келе жатқан экономикасы бар демократиялық, құқықтық және әлеуметтік мемлекетке айналды. Тәуелсіздік жылдары еліміздің жеткен әрбір жетістігі мен табысы — барша отандастарымыздың ортақ еңбегі мен өзара татулығының нәтижесі. Біздің мақсаттарымыз тұрғындарымыздың тұрмыстық деңгейін көтеруге бағытталған.

Қазақ елінің Тәуелсіздігі ғұмырлы, Туымыз тұғырлы болсын!
Мереке құтты болсын!